Vilma at Vice Ganda may malaking sorpresa sa 2024

I-FLEX
ni Jun Nardo

MAY nilulutong sorpresa sina Vilma Santos at Vice Ganda for 2024!

Ibinalita sa amin ito ni Vilma via text nang inalam namin kung saan at kailan naganap ang muli nilang pagkikita nina Maricel Soriano at Roderick Paulate sa isang dressing room.

Sa text sa amin ni Ate Vi, nangyari ang pagkikita sa taping ng I Can See Your Voice show ng anak na si Luis Manzano.

Unang nag-taping sina Mary at Dick para sa promotions ng movie nilang In His Mother’s Eyes habang nandoon naman si Vilma kasama sina Christopher de Leon, Darren Espanto, at Cassey Legspi para sa filmfest movie nilang When I Met You In Tokyo.

“Then, sumunod na bumisita sa make up room ko si Vice Ganda. Nag-usap kami for next year. Surprise!!!” text pa ni Ate Vi sa amin.

Lumabas sa Instagram ni Ate Vi ang video ng kumustahan nila ni Maricel habang inaasar si Dick na kunwari ay tinatawag ang guard para alamin kung sino ang nagpapasok dito.

Of course, open book na ang naging issue kina Ate Vi at Maricel, huh.