HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
MARAMI pang pasabog! Ito ang tiniyak ng direktor ng Unbreak My Heart sa final five weeks na natitira nito.
Ani Dolly Dulu, direktor ng Unbreak My Heart na pinagbibidahan nina Jodi Sta Maria, Gabbi Garcia, at Joshua Garcia, asahan ang maraming twists at shocking scenes sa mga susunod na araw.
“Sa last five weeks, sa last 20 episodes remaining, mas marami pa ‘yung pasabog na darating. Kung feeling n’yo alam n’yo kung saan pupunta ‘yung kuwento namin, medyo may shock and twist pa rin siya,” paniniyak ni direk Dolly sa naganap na Finale presscon ng UMH noong Biyernes.
“‘Yun ang magiging proud ako na tatapusin namin itong series na ito roon sa what we believe should be the right ending, regardless of what happened doon sa buong kuwento. Kaya namin panindigan, i-justify na ‘yun ang dapat mangyari,” pagtitiyak ni direk Dolly.
Kaya naman abangan at hindi dapat kaligtaan ng mga tumututok sa UMH ang panonood dahil sabi nga ni direk Dolly “Abangan n’yo kung ano ‘yung dapat mangyari na iyon. Ito ‘yung ending na pinaghirapan naming lahat.
“At sana huwah kayo mag-give up sa mga nangyayari kasi mayroon siyang explanation sa dulo kung bakit ‘yun ang dapat mangyari, kung bakit kami nakarating sa dulong iyon,” giit pa ng direktor.
Bukod kina Jodi, Gabbi, at Joshua, kasama rin sa programa sina Richard Yap, Nikki Valdez, Sunshine Cruz, Jeremiah Lisbo, at Bianca de Vera.
Anim na buwang napapanood ang Unbreak My Heart at nasa final five weeks na silang napapanood sa GMA Telebabad, Pinoy Hits, at I Heart Movies, 9:35 p.m. mula Lunes-Biyernes at 11:25 p.m. sa GTV. Napapanood din ito sa GMA Pinoy TV at TFC. At advanced na napapanood sa Viu at iWantTFC.
