Jillian nag-request ng totoong sampal kay Pinky

RATED R
ni Rommel Gonzales

DAHIL madalas ang eksenang sampalan sa Abot Kamay Na Pangarap lalo kapag eksena ng malditang si Moira (Pinky Amador), tinanong namin ang aktres kung nagkakatotohanan na ba sila ng sampalan?

“Actually, once…actually ako kasi sa daming beses ko ng nanampal, I can actually slap someone without touching them. 

“Depende na ‘yun sa galing, like lahat ng sampalan namin ni Ms. D, walang umabot doon kahit isa.”

Miss D is Dina Bonnevie of course na gumaganap bilang si Giselle na mortal na kaaway ni Moira.

“Pero minsan naman may co-actor ka na humihingi ng sampal, actually there’s a trick to it, coz I took up stage fighting, ang pananampal mo lang ay ‘yung fingers mo, huwag mong ipapaabot sa palm, para dampi lang kumbaga.

“‘Pag matunog dapat medyo nangangalahati na ‘yung palm, kailangan ganoon. Na-vlog na ‘to ni Jillian (Ward), kasi may isang eksena na umaga tapos puyat na puyat siya from the night before, halos wala siyang tulog.

“Noong naghihintay siya for her to enter the scene nakakatulog na siya, so noong time na niya na darating na siya, ganoon, sasampalin ko, pak, hindi niya nasasabi ‘yung dialogue niya.”

Nag-request daw si Jillian Ward na totohanin ni Pinky ang sampal.

“Nag-request siya, ‘Direk paabutin na po natin’, so noong pagka-abot, dire-diretso ang dialogue with matching tears, waterfall, dire-diretso, walang nakalimutang isa, ni hindi nag-buckle.

“Which goes to show also when push comes to shove, roon makikita ‘yung galing mo, ‘di ba? Pero ‘yun na nga, may time na humihingi sila.

“Pero like kami ni Carmina, never, hindi kami…well ‘yung sabunutan, kasi ang dami na naming sabunutan, si Carmina na nga nagsabi na, ‘Hindi Ate Pinks i-ganoon (tama ng sampal) mo talaga.’

“Sabi ko, ‘Anak masakit’, ‘Hindi i-gaganoon mo talaga para mukhang totoo’.

“So anyway, hindi naman buong…normally naman take 1 or 2 lang naman kami, so iyon,” ang aliw na tsika ni Pinky.