Dick at Maricel muling magsasama, isasabak sa MMFF

HARD TALK
ni Pilar Mateo

GORIO AT TEKLA pa ang naaalala ng premyadong aktor at komedyanteng si Roderick Paulate na huling pelikulang pinagsamahan nila ng best friend niya na Diamond Star na si Maricel Soriano.

Magbabalik sa pelikula ang dalawa. Sa pamamagitan ng isa na namang obra na ididirehe ni FM Reyes. Na sa mga ‘di nakaaalam eh, ang better-half ng aktres na nakasama na rin ni Kuya Dick sa Seiko Films noon, si Rita Avila.

Mukhang puno ng drama ang pelikula na ipo-produce ni Flor Brioso Santos. Na dakilang ina ni LA Santos, na magkakaroon din ng mahalagang papel sa pelikula.

In His Mother’s Eyes ang titulo ng pelikula na kukunan naman ng D.O.P. (director of photography) na si Neil Daza.

Makakasama nina Gorio at Tekla sa madadramang tagpo sina Ogie Diaz, Maila Gumila at marami pa.

“It’s a dramedy. I play the role of a mananahi ng barong. Kaibigan ko si Ogie. At tungkol ito sa hindi pinagkakasunduan sa buhay ng magkapatid. Hanggang d’yan pa lang ang pwede ko sabihin.”

In full swing na ang shoot ng pelikula.

With regards sa other matters in my Kuya Dick’s life, simple lang ang sinabi niya. “Concentrate kami nina Bibs (Biboy Arboleda of B17 Management) sa movies!”

Takagang kaabang-abang ito. At  ‘pag nagsasama sa pelikula ang Maricel at Roderick eh, talagang pumapatok!

Hahabol kaya ito sa MMFF 2023 (Metro Manila Film Festival)? 

Kapag nagkataon, panalong-panalo. Kung may Sharon Cuneta na, may Maricel pa. May Nora Aunor din at Vilma Santos pa! 

Sana pasok lahat!