Teejay Marquez walang tulugan sa dami ng trabaho

MATABIL
ni John Fontanilla

BUSY as a bee ang aktor na si Teejay Marquez na kaliwa’t kanan ang shooting ng pelikula. Katatapos lang nito ng Mamay The Movie, ang true to life story ni Mayor Marcos  Mamay na pinagbibidahan nina Jeric Raval, Ara Mina, Victor Neri, Polo Ravales, Julio Diaz at marami pang iba. Idinirehe ito ni Neal Buboy Tan.

Gagampanan ni Teejay ang binatilyong Marcos Mamay. Katatapos din nitong gawin ang pelikulang Broken Hearts Trip na makakasama naman Christian Bables, Direk Andoy Ranay, Petite Brocovich,Iyah Mina, Marvin Yap, at Ms Jaclyn Jose. Directed by Lemuel Lorca.

At bago ito bumalik sa Indonesia para gawin ang mga naiwan niyang proyekto rito ay gagawa muna siya ng isang teleserye sa GMA 7 na ayaw muna niyang sabihin ang title at kung sino-sino ang makakasama hangga’t hindi pa sila nagti-taping dahil baka ‘di matuloy at saka na lang niya iku-kuwento kapag nakapag-taping na siya at malapit na itong ipalabas.