Monday , December 23 2024
KimJe Team A

KimJe fun-serye dobleng saya at tawanan ang hatid ng Team A Season 2

TIYAK ikatutuwa ng mga KimJe fans ang pagpapatuloy ng kanilang paboritong fun-serye sa TV5, ang Team A, dahil dobleng katatawanan at mga sorpresa ang hatid nito sa Season 2. 

Dahil nga sa matagumpay na maiden season nito, nagbabalik ang Team A para sa all-new season nito na mapapanood na sa TV5 simula sa July 15.

Sa unang season ng Team A, naging komplikado ang simple at masayang pamumuhay nina Ian (Jerald Napoles) at Janet (Kim Molina), kasama ang kanilang nag-iisang anak na si Yeye ( Gianna Iguiron), dahil sa patuloy na pagbabangayan ng kanilang mga magulang, ang nanay ni Janet at tatay ni Ian. May mga hatid na sorpresa rin ang nakaraang season finale ng Team A, kasama na rito ang pagkansela ni Ian sa kanyang trip to South Korea at ang pagdiskubre niya ng pregnancy test na nag-iwan ng malaking misteryo kung sino nga ba ang tunay na nagdadalantang-tao sa kanilang pamilya.

Sa Season 2 ng Team A, ang real-life couple at multi-talented artists na sina Kim at Jerald, o mas kilala bilang “KimJe” sa kanilang fans, ay patuloy na gagampanan ang kanilang roles bilang mag-asawa sa makulit at masayang Ambida Family, ang Team A. Sa kanilang bagong tahanan sa Friendly Village, magugulo ang kanilang tahimik na buhay sa pagsulpot ng isang ‘di inaasahang karakter na susubok sa relasyon ng mag-asawa.

Kukompleto sa kwelang cast ng Team A Season 2 sina Yayo Aguila, Gene Padilla, Anjo Yllana, Cindy Miranda, Marc Acueza, Ashtine Olviga, at Ethan David na maghahatid ng kabaliwan at katatawanan na mas lalong ikatutuwa ng mga viewer.

Mula sa direksiyon ni Mervyn B Brondial at sa panulat ni Mel Mendoza-Del Rosario, naging posible ang pagbabalik ng Team A sa talento at production expertise ng Cignal, Studio Viva, at Sari Sari Channel.

Isama ang buong pamilya at makisaya sa Ambida Family sa premiere ng Team A Season 2 sa Hulyo 15 at tuwing Sabado ng 5:00 p.m. sa TV5.  

About hataw tabloid

Check Also

Joel Cruz P25-M 25th anniversay Aficionado 

Joel Cruz mamimigay ng P25-M sa 25th anniversay ng Aficionado 

MATABILni John Fontanilla MAMAMAHAGI ng P25-M ang tinaguriang Lord Of Scents na si Joel Cruz …

Enrico Roque

Paghuli kay Mayor Roque nakabibigla

PUSH NA’YANni Ambet Nabus SOBRANG shock din ang mga nakakikilala kay Pandi, Bulacan Mayor Enrico …

Bobby Garcia

Theater director Bobby Garcia pumanaw sa edad 55

PUSH NA’YANni Ambet Nabus PUMANAW na rin at 55 years old ang kilalang stage actor-producer-director …

MMFF50

Sampung pelikula para sa MMFF50, binigyan ng angkop na klasipikasyon ng MTRCB

ALAM MO NA!ni Nonie Nicasio ILANG araw bago ang Kapaskuhan, inilabas na ng Movie and …

MMFF 2024 MTRCB

Mga pelikula sa MMFF, binigyan ng angkop na klasipikasyon ng MTRCB

INILABAS na ng Movie and Television Review and Classification Board (MTRCB) ang angkop na klasipikasyon …