Manang pagbabalik-pelikula nina Julio, Sabrina, at Janice

ANG direktor at aktor na si Romm Burlat ang sumulat at nagdirehe ng Manang 

mula sa TTP Productions ni Ms. Teresita Pambuan, na isa rin sa cast ng pelikula.

Ang iba pa sa bumubuo ng pelikula ay sina  Janice Jurado,Julio Diaz, Sabrina M, Carl Tolentino,Sherali Serman at iba pa.

Sa tanong namin kay Direk Romm kung sino ang bida at Manang sa pelikula, ang sagot niya, “Actually, pare-pareho silang bida. It doesn’t  mean na ang manang ay mas matanda. Somebody that peole look up to. It can be older. It can be younger. Sila ‘yung mga ina-idolize. Sila ‘yung may mga characteristics na you have to give respect.

“Ang concept is from me. Pero it’s Red Asuncion who wrote the script.”

Sa tanong naman kung paano nabuo ang cast, sabi ni Direk Romm, “Siguro, gusto ko lang ibalik sila dahil they are talents that should not be wasted. Lalo na si July (Julio Diaz). He’s my favorite now, kasi magaling siya. I believe, dapat silang bigyan ng second chance. Actually, comeback movie nilang tatlo ito, eh.”

Tungkol naman sa kanilang pelikula, ang sabi ni Direk. “It’s not an ordinary teacher movie. It’s a movie about a teacher, a mother and a friend. How do you interconnect the three characters na teacher ka, pwede kang maging mother or a friend. O ikaw mismo ‘yung kontrabida sa buhay mo.”

Ang Manang ay isasali ni direk Romm sa international film festivals. Naniniwala kami na posibleng magkaroon ng award ang pelikula o ang ilan sa cast nito. Mahusay naman kasing direktor si Romm kaya siguradong gaya ng mga  naunang pelikula niya na isinali sa iba’t ibang international festivals na nag-uwi ng karangalan, ay ganoon din ang mangyayari sa Manang.