Julie Anne San Jose durog  na durog sa bashers

MATABIL
ni John Fontanilla

DAHIL sa sandamakmak na lait ng netizens kay Julie Anne San Jose mabilis na iniba ng GMA 7 ang nauna nilang bansag sa singer, actress and host sa plug sa singing reality show na The Voice Generations. 

Mula sa pagiging The Pop Icon Coach ay ginawa na itong The Limitless Star Coach.

Inulan ng batikos si Julie Anne nang bansagan itong  “Pop Icon” na orihinal na bansag  sa singer-actress-host  na si Jolina Magdangal.

Bira nga ng netizens kay Julie Anne, ni wala ito sa kalingkingan ni Jolina na sumikat ng bonggang-bongga at maraming hit songs at bumentang album, samantalang  si Julie Anne ay mabibilang pa lang sa daliri ang sumikat na kanta at wala silang matandaan na bumentang album.

Kaya naman kahit iniba ng GMA ang taguri kay Julie Anne ay marami pa rin ang namba-bash dito.

“Kasi bakit pop icon – kahit sensation di nga e lol.”

“Push na push nga ng GMA to pero wala pa ding star appeal sa true lang ! “

“Actually kahit yung Asia’s limitless Star di rin bagay sa kanya dito nga di yan sikat Asia pa kaya and wala syang napasikat na kanta so please lang.”

“Pop Icon pa kasing nalalaman hindi nga yan maka soldout ng concert kahit Music Museum lang Lol.”

Ilan lamang ito sa mga reaction ng netizens.