Yasmien aminadong weird: Lagi nila ako pinagtatawanan, di ko alam kung bakit

MA at PA
ni Rommel Placente

MAY paagka-weird pala as a person ang mahusay na aktres na si Yasmien Kurdi.

Sa kanyang Instagram account ay ibinahagi niya na bata pa lang siya ay napapansin na ng mga tao ang pagka-wirdo niya.

Post ni Yasmien, “Bata pa lang ako naalala ko tinatawag na nila akong weird ng mga classmates ko and friends from highschool at college.”

Ayon pa kay Yasmien, hindi ito nawala at hanggang pumasok siya ng showbiz.

“Hanggang pumasok ako sa showbiz na akala kong mas maraming weird and out of this world mag isip na tao, pero weird pa din ang tingin nila sakin.

“Minsan tinatawag nila akong ‘krung krung’, ‘scaredy’, ‘weirdo’ at kung ano ano pa… Lagi nila ako pinagtatawanan (ng mga katrabaho ko) pero di ko alam kung bakit.”

Inisip pa nga ni Yasmien na baka hindi lang siya trip o gusto ng ibang tao kaya tinatawag siyang weird. 

“Pero eventually I embraced my weirdness, siguro dahil doon kaya ako artista haha!” masayang sabi pa niya.

Nagbigay din ng payo si Yasmien sa mga batang tinatawag ding weird kagaya niya.

“Kaya kids, wag kayo ma bother kung may tumatawag sa inyong ‘weird’ because we are all unique in our own way. Wag mo iyakan yan tulad ko noon.

“Di mo kailangan i-meet yung standards ng society. Make sure lang na wala kang tinatapan na tao at mabait ka sa lahat. Be proud of your uniqueness at weirdness.

“Keep doing your thing. One day it will all make sense. Just keep going! One day you may just change the world. Cheers!” hirit pa ng aktres.