Pugante na may kasong pang-aabuso sa menor-de-edad tiklo

Ang itinuturing na isa sa most wanted person sa Bulacan na may kasong pang-aabuso sa menor de-edad ang naaresto sa kanyang pinagtataguan sa Pandi, Bulacan.

Batay sa ulat na ipinadala kay Police Colonel Relly B. Arnedo, provincial director ng Bulacan PPO, ang arestadong pugante ay kinilalang si Jimmy Annaliza alyas Anna Gonzaga, 29, na residente ng Brgy. Pinagkuartelan, Pandi, Bulacan.

Si alyas Anna Gonzaga na nakatala bilang Top 8 Most Wanted Person sa municipal level ng Pandi ay naaresto ng mga tauhan mula sa 2nd Bulacan Provincial Mobile Force Company.

Ang akusado ay nahaharap sa kasong paglabag sa Section 10 (A) ng RA 7610 o lalong kilala na Special Protection of Children Against Abuse, Exploitation, and Discrimination Act.

Ang warrant of arrest laban kay alyas Anna Gonzaga ay inilabas ni Judge April Anne M. Turqueza-Pabellar, Presiding Judge, Family Court Branch 6, Santa Maria, Bulacan.(Micka Bautista)