HATAW! D'yaryo ng Bayan hatawtabloid.com
I-FLEX
ni Jun Nardo
KABILANG ang Sparkle artist na si Althea Ablan sa comfy summer outfits ng BNY clothing matapos i-launch ng Kapamilya young actor na si Seth Fedelin.
Bonggang simula raw ito para kay Althea dahil bukod sa TV series na Ara Bella at endorsement, may acting break na rin siya sa movies dahil nasa cast niya ng pelikulang Poon na unang movie niya.
“Kaya nga po supper happy ako at nabigyan ako ng break sa movies. Eh magagaling pa ang kasama ko kaya another blessing ito this year,” sabi ni Althea nang makausap namin sa launching niya.
Ibig bang sabihin eh talbog sa kanya si Jillian Ward na nakasama niya sa Prima Donnas?
“Hindi naman po,” ani Althea.
Nagsimula bilang child star si Jillian at marami nang nagawa.
“Ako po, commercial model nagsimula at ngayon lang nagkakasunod-sunod ang acting breaks,“ sad ni Althea.
Eh wala ba silang kompetisyon ni Jillian?
“Wala naman po. Nagkataon lang na hindi na kami madalas magsama dahil may kanya-kanya na kaming trabaho. Hindi naman kami nagkikita nang madalas, mayroon naman kaming pinagsamahan,” rason ni Althea na kulay rosas na ang personal life dahil kay Prince Clemente, huh!
