David Licauco nalula sa biglaang pagsikat

RATED R
ni Rommel Gonzales

AMINADO si David Licauco na ikinagulat niya ang biglang pagsikat dahil sa papel niya bilang si Fidel sa katatapos lamang umereng Maria Clara At Ibarra.

“Well medyo overwhelming siya honestly kasi siyempre hindi naman ako sanay and I would say na medyo introverted ako na tao, so kapag may mga lumalapit medyo… 

“But then siyempre pinasok ko ‘to eh and wala na akong choice but do my best and accept it.

“So ayun at saka siyempre nakatutuwa rin na maraming nakaka-appreciate sa iyo and ‘yung fans ngayon parang mas kilala pa nila ako than my friends so, sobrang naa-appreciate ko talaga sila.”

At dahil maraming bata ang naging instant fans ni David, nalungkot naman ang mga beki dahil hindi na makikita si David sa mga billboard na naka-brief or swimming trunk.

“Hindi na puwede ‘yung hubad-hubad, actually wala na ako sa Bench Body ngayon, but I’m still with Bench, so iyon, I mean whatever works. I mean kung ano ‘yung magugustuhan ng mga tao, iyon ang gagawin ko.

“Nagkaroon  kasi ako ng fans na bata because of ‘Maria Clara At Ibarra’ so child-friendly na tayo ngayon,”pahayag ni David.

Well, marahil ang pagkakataon na lamang natin na makita si David na nakahubad ay kung papalarin tayong makasabay siya na nagpapa-spa sa ineendoso niyang Blue Water and Day Spa na may branches sa Banawe – Quezon City, Eton Square – Ortigas in Greenhills, San Juan at Estancia Mall sa Pasig City. Soon to open naman ang The Infinity Tower, BGC.

Ilan sa bonggang services ng Blue Water and Day Spa ay ang Deep Tissue Massage, IPL Hair Removal service, Deep Tissue Massage, rejuvenating massages, deep cleansing facials, sculpting at toning treatments, Four Hand Massage, Therapeutic Colonic Massage at Pregnancy Massage.

Samantala, muling mapapanood ang tambalan nina David at Barbie Forteza sa telebisyon at ito ay sa Daig Kayo Ng Lola Ko: Lady and Luke sa GMA mula March 12 hanggang sa susunod na tatlong araw ng Linggo (March 12hanggang April 2), 6:00 p.m..