HATAW! D'yaryo ng Bayan hatawtabloid.com
IBA pa rin talaga ang magic ng isang Coco Martin. Noong Sabado, March 4, mainit na sinalubong ng napakaraming tao ang Primetime King kasama ang iba pang cast ng FPJ’s Batang Quiapo, sa Panagbenga Kapamilya Karavan sa Baguio City
Nakipagrakrakan si Coco sa libo-libong tagahanga na nagtipon sa paligid ng Burnham Park nang kantahin niya ang Beep Beep ng Juan De La Cruz band, suot ang signature nitong porma na leather jacket at shades.
Kasama ng lead star ang iba pang mga cast member na sina Smugglaz, Bassilyo, Norvin at Lovely Dela Pena, Ghost Wrecker, Ryan Martin, Jojit Lorenzo, Ronwaldo Martin, Sugar Ray Mammoth, Bigmak, Baby Giant, at Sen. Lito Lapid na nagpasaya sa mga tao sa kanilang nakatutuwang mga sorpresa at pagtatanghal.
Umawit din para sa mga manonood ang dalawang ABS-CBN Star Music artists na sina Carlo Bautista at Trisha Denise bago ang pangunahing event sa programa.
Ang FPJ’s Batang Quiapo, sa pangunguna ni Coco bilang “Tanggol” at Lovi Poe bilang “Mokang,” ay umere noong Pebrero 13. Maganda ang naging pagtanggap ng mga manonood sa serye dahil nakakuha ito ng 44 milyong views sa unang linggo ng pagpapalabas.
Panoorin ang mga maaksyong eksena ng FPJ’s Batang Quiapo sa Kapamilya Channel, A2Z, TV5, iWantTFC, TFC IPTV, at Kapamilya Online Live sa YouTube channel at Facebook page ng ABS-CBN Entertainment.
Ang Panagbenga Kapamilya Karavan ay pangatlo pa lamang sa mga aabangang caravan ngayong taon na naging posible sa pagsisikap ng ABS-CBN Regional, ABS-CBN Events, Kapamilya Channel Regional, MOR, at A2Z Regional.
