Maria Luisa Varela itinanghal na Miss Planet International 2023

HINDI man tayo pinalad na manalo sa Miss Universe, Miss International, at Miss Earth ay wagi naman ang Pilipinas sa Miss Planet International 2023 na ang ating pambatong si Maria Luisa Varela ang kinoronahang Miss Planet International 2023.

Habang 1st runner-up si Miss Zimbabwe, 2nd runner-up si Miss Japan, 3rd runner-up si Miss Vietnam, 4th runner-up si Miss Finland, 5th runner-up si Miss  Latvia, at 6th runner-up si Miss Cambodia.

Ang beauty queen and actress na si Herlene Budol sana ang representative ng Pilipinas sa 2023 Miss Planet Earth International kaya lang ay nagkaroon ng aberya hangang nagdesisyon ang kanyang camp na hindi na tumuloy sa pageant.

Hangang sa si Maria Luiza Varela ang naging representative ng Pilipinas sa nasabing pageant na ginanap sa Cambodia last January 29.

At kahit nga sandali lang ang naging paghahanda nito para sumabak sa Miss Planet International na sinabayan ng sandamakmak na kontrobersiya ay nanatiling kalmado, nag-focus sa kompetisyon at desididong maiuwi ang kauna-unahang title and crown sa bansa.

Kaya naman sa angking ganda, talino, at determinasyong manalo ay ito ang nagwagi at kinoronahang Miss Planet International 2023. (John Fontanilla)