Kylie may ipinalit na kay Aljur

MATABIL
ni John Fontanilla

MUKHANG nakahanap na ng bagong pag-ibig si Kylie Padilla matapos nilang maghiwalay ni Aljur Abrenica.

Pinasilip nga nito ang isang video na kasama ang mystery guy at napapabalitang boyfriend na kasamang nagbakasyon sa Thailand.

Sa nasabing video ay makikita ang aktres na ka-holding hands ang mystery guy habang sakay ng tren sa Kanchanaburi.

Caption nito sa nasabing video na ipinost sa kanyang Instagram, “Wandering with another fellow wanderer.”

Hula ng mga netizen, ang nasabing misteryosong lalaking kasama ni Kylie sa Thailand ay ang tattoo artist na si Jinno John Simon na noong nakaraang taon ay napabalitang may relasyon na ang dalawa.

Very vocal naman si Kylie na  nakikipag-date na siya ngayon lalo na’t matagal-tagal na rin silang hiwalay ni Aljur.