HATAW! D'yaryo ng Bayan hatawtabloid.com
TINATAYANG aabot sa higit P176,000 halaga ng ilegal na droga ang nasamsam ng mga operatiba ng District Drug Enforcement Unit (DDEU-SPD) ng Southern Police District sa ikinasang buy-bust operation sa J. Ramos Street, Barangay Ibayo Tipas, Taguig City.
Naaresto ng mga operatiba ang suspek na kinilalang si Jelly Ann Mae Adriano Tanyag, a.k.a Jack 36 anyos.
Narekober mula sa suspek ang dalawang plastic sachet na naglalaman ng hinihinalang shabu, may timbang na 26 grams at may street value na aabot sa ₱176,800 at buy-bust money.
Nasa kustodiya ng SPD DDEU Office ang suspek na nahaharap sa kasong paglabag sa Sections 5 at 11 ng Art II ng RA 9165 o Comprehensive Dangerous Drug Act of 2002. (GINA GARCIA)
