TINITINGNAN ng mga awtoridad ang posibleng foul play sa pagkamatay ng isang caretaker sa Brgy. Sta. Rita, lungsod ng Olongapo, nitong Lunes, 19 Disyembre.
Lumitaw sa inisyal na imbestigasyon na mayroong mga sugat sa bandang kilikili ang biktimang kinilalang si Jonathan Hadley, 47 anyos, natagpuang wala nang buhay sa lupaing kanyang binabantayan.
Ayon sa mga imbestigador, nakatanggap sila ng impormasyon dakong 6:00 pm kahapon tungkol sa bangkay ng isang lalaki na natagpuan sa naturang lote.
Ayon sa pulisya, mayroon na silang natukoy na person of interest, ngunit patuloy ang kanilang pagsisiyasat upang malaman ang motibo sa pamamaslang.
