TV5, Cignal TV nanguna sa Philippine nominations ng 27th Asian TV Awards

MARAMING Kapatid programs at mga orihinal na istorya mula sa Cignal TV productions ang nakasama sa listahan ng Philippine finalists sa iba’t ibang kategorya sa 27th Asian Television Awards. Ang balitang ito ay kamakailan lamang inihayag ng prestihiyosong award-giving body na kinikilala at ginagantimpalaan ang mga mahuhusay na TV production sa Asia-Pacific region. Ang mga mananalo ay papangalanan sa dalawang araw na awarding ceremony na gaganapin sa Maynila sa Disyembre 1 at Singapore sa Disyembre 8.

Nangunguna sa listahan ng TV5 at Cignal TV nominees ang Cignal Entertainment offerings ng Sing Galing para sa Best General Entertainment Programme, Sing Galing Sing-Lebrity Edition para sa Best Music Programme, at Lakwatsika para sa Best Theme Song.

Nakakuha rin si Aga Muhlach ng nominasyon bilang Best Actor in a Leading Role l para sa kanyang pagganap sa movieserye na Suntok Sa Buwan. Habang ang komedyanteng si K Brosas ay nominado sa Best Entertainment Presenter/Host bilang ‘Sing Master’ ng Sing Galing, kasama si Maine Mendoza para sa kanyang unang hosting stint sa travel show ng BuKo Channel na #MaineGoals.   

Kabilang sa iba pang kilalang nominasyon ang P-pop reality search na Top Class at ang host nitong si Catriona Gray at ang 2022 Station ID ng TV5 na Iba ang Saya ‘Pag Sama-Sama.

Narito ang buong listahan ng TV5 at Cignal TV nominations para sa 27th Asian TV Awards:

• Best Original Digital Entertainment Programme – Top Class: The Rise to P-Pop Stardom 
• Best Host/Presenter – Digital – Catriona Gray, Top Class: The Rise to P-Pop Stardom 
• Best Entertainment Presenter/Host – K Brosas, Sing Galing; Maine Mendoza, #MaineGoals 
• Best Actor in a Leading Role – Aga Muhlach, Suntok Sa Buwan 
• Best Theme Song – Lakwatsika 
• Best Comedy Programme – BalitaOneNan 
• Best General Entertainment Programme – Sing Galing 
• Best Music Programme – Sing Galing: SingLebrity Edition 
• Best Infotainment Programme – Rated Korina 
• Best Live Sports Coverage – UP vs Ateneo Finals Game 3, UAAP Season 84: Men’s Basketball 
• Best Sports Programme – The Game 
• Best Music Video – TV5, Iba ang Saya ‘Pag Sama-Sama