Kim Rodriguez patok sa Darna

MATABIL
ni John Fontanilla

TRENDING at talaga namang pinag-uusapan ang bawat eksena ni Kim Rodriguez na ‘di lang husay sa pag-arte ang ipinamalas maging ang galing sa fight scene.

Kung dati ay mas nasanay tayong mapanood si Kim na nagbibida sa mga teleserye ng GMA 7 ngayon ay kontrabida naman ang tinatahak ng kanyang career sa ABS CBN na unti-unti siyang napapansin.

Ginagampapan ni Kim si Xandra na may powers na makapagpabago ng anyo. Siya rin ang kanang kamay ng alien general na si Borgo, na pansin din ang kanyang kaseksihan sa kanyang costume.  

Thankful nga  ang aktres sa mga positive review mula sa mga netizen na nakukuha niya bilang Xandra at pasasalamat din ang gusto nitong iparating sa ABS CBN big bosses sa tiwalang ibinigay sa kanya.

Isa sa laging inaabangan ng mga netizen ang bakbakan at pagtutuos nila ni Darna.