HATAW! D'yaryo ng Bayan hatawtabloid.com
ALAM MO NA!
ni Nonie Nicasio
IBINUKING ng manager ni Sahil Khan na si Jojo Veloso na masayang-masaya ang Filipino-Afghan aktor, na animo raw nasa cloud 9. Ang rason? First time napanood ni Sahil ang sarili sa big screen. Ito’y sa Red Carpet Premiere Night ng pelikulang Expensive Candy, sa SM North EDSA The Block.
Tampok dito nina Carlo Aquino at Julia Barretto at boyfriend-sugar daddy ni Julia ang role ni Sahil sa pelikula na showing na sa mga sinehan ngayong Sept. 14, nationwide.
Ipinahayag ni Sahil na sobrang saya niya matapos mapanood ang kanilang pelikula. “Super-masaya, sobra-happy that my face is already at cinemas, na part na ako ng film industry dito. Ang nafi-feel ko habang nanonood ng Expensive Candy… feeling unbelievable po talaga.”
Aniya, “Yes, its first time that my movie ay napalabas on cinema and I’m so happy… super-thankful to God and then to Julia that she choose me for her film at nakasama ko siya sa mga eksena rito.”
Last na napanood si Sahil ay sa Sitio Diablo na showing na sa Vivamax, pero mas maganda ang role niya sa Expensive Candy.
Ang Viva contract artist na si Sahil ay pinuri rin ang kabaitan ni Julia.
“Sa premiere night ng movie, she showed me her respect and love, kasi I thought maybe nakalimutan na niya ako after ng aming shooting ng movie na ito. But when she saw me at the cinema, automatic she hugged and say hello to me.
“I really appreciate it that she still know my name and my face po,” masayang pakli ni Sahil.
“We had about five minutes of conversation and nag-congrats siya sa akin, nag-selfie kami ni Julia, at nag-welcome siya sa akin sa showbiz. So, I really appreciate her kindness kahit ako‘y newcomer in the showbiz industry,” nakangiting esplika ni Sahil.
