HATAW! D'yaryo ng Bayan hatawtabloid.com
MATABIL
ni John Fontanilla
TULOY na tuloy na ang demanda sa komedyanteng si Juliana Parizcova Segovia dahil sa panlalait nito sa 2022 Famas Best Supporting Actor Johnrey Rivas, Best Actor at Best Director ng Katips na si Direk Vince Tañada.
Ayon kay Direk Vince ang kasosyo niya at isa sa producer ng Katips ang nagsampa ng kaso kay Juliana para mabigyan ito ng leksiyon sa ginawang paninira at pagkakalat ng fake news sa social media.
Pero kahit nasasaktan sina Johnrey at direk Vince sa mapanirang tsismis at intriga na ikinakabit sa kanilang pangalan at sa kanilang pelikula ay mas lalo silang nagiging matibay at matatag.
Bukod sa intrigang kinakaharap ni Direk Vince ay ikinuwento rin nito na sandamakmak ang death threats na natatanggap niya dahil sa kanyang pelikulang Katips pero deadma lang siya at hindi natatakot.
Sa ngayon ay pinaghahandaan ni Vince kasama ang ilan sa kanyang artist sa Katips para sa kanilang World Tour na magsisimula ngayong September at magtatapos ng December 2022 at magpapatuloy hanggang 2023.
Una nilang pupuntahan ang Dubai sa Setyembre 13; Abu Dhabi (Sept 14); Kuwait, UAE, Bahrain, Oman (Sept 15-22);
Tokyo, Japan (Sept 19); Auckland Wellington (Sept 18); Melbourne (Oct 1); Adelaide (Oct 2); Brisbane at Gold Coast (Oct 5); at Sydney (Oct 8).
Magtutungo rin sila sa Spain, UK, Germany, Switzerland, Italy, USA, Canada, at HongKong.
