HATAW! D'yaryo ng Bayan hatawtabloid.com
SURAKARTA, Indonesia – Inasahan si Alfie Cabanog sa inside game para talunin ng Team Philippines ang Indonesia 15-10 sa men’s 3×3 wheelchair basketball event para sa unang panalo ng bansa sa 11th ASEAN Para Games sa GOR Sritex Arena nung Sabado.
Bandera ang Indons sa kaagahan ng laro 0-2, pero napakitang-gilas si Cabanog na nagpakawala ng 6-1 run sa pakikipag-partner kay Kenneth Tapia. Ito ang una nilang panalo sa four-team, single-round series.
Sa panalo ng men’s team ay medyo nagpalubag-loob sa maagang pag-eksit ng kanilang women’s counterparts, na nadale ng back-to-back losses sa Thailand at Laos.
Sa sumunod na mga laro, tinalo ng Thailand ang Cambodia 16-4 at Indonesia 18-2 para masungkit ang top spot sa men’s play at makasiguro sa pagpasok sa championship match na kung saan ay ang top two squads ay maglalaban sa gold, samantalang ang nalalabing teams ay magbabakbakan sa bronze medal.
Susunod na makakaharap ng Filipinos ang Thais at susundan iyon ng laban nila sa Cambodians.
“We didn’t see our Indonesian opponents until we saw them on the floor. But when I saw Alfie was taller than them, I drew up plays to feed him the ball inside the paint,” sabi ni national coach Vernon Perea sa istratehiyang ginamit para sa panalo. “If we beat Cambodia tomorrow then we are assured of facing Thailand in the finals,”
“Masayang-masaya po kami at binigay namin ang best para matalo ang Indonesia,” sabi ni Cabanognative ng Montawal Maguindanao, North Cotabato, na may walong puntos.
PInuri naman ng mga manlalaro ang pagiging matimpiin sa kanyang pagtitimon si coach Perea. Malaki ang inunlad ng diskarte niya simula nung lumahok siya sa national team noong 2017 ASEAN Para Games sa Kuala Lumpur, Malaysia.
Nang lumalamang na ang Filipinos ay kinuwestiyon ng hosts ang taas ng wheelchair ni Cabanog, para itigil pansamantala ang oras ng technical officials sa loob ng ilang minuto. Pero hindi naging sagabal iyon para ipagpatuloy ng mga PInoy ang magandang laro.
