2 pa sa miyembro ng Ben&Ben tinamaan ng Covid

SHOWBIZ KONEK
ni Maricris Valdez Nicasio

NAKANSELA ang sana’y concert ng Ben&Ben sa July 2 sa  Santiago, Isabela dahil dalawa sa miyembro nito ang tinamaan ng COVID-19 kamakailan.

Nagpositibo sa COVID-19 ang lead singer ng Ben&Ben na si Paolo Benjamin at si Toni Muñoz, ang percussionist at vocalist din ng band. Naka-isolate na ang dalawa at nagpapagaling na.

Sa official Twitter page ng Ben&Ben, inihayag ng grupo na  na-reschedule ang show nila sa Isabela sa July 17.

“Hello! We’d like to announce that our July 2 show in Santiago, Isabela has been moved to July 17.

“Paolo Benjamin, one of our lead singers, and Toni Muñoz, our percussionist and vocalist, also tested positive for COVID-19. They are currently isolating and recovering,” anang Ben&Ben.

Bago ito’y nakansela rin ang concert ng Ben&Ben sa Surigao nitong nagdaang Linggo matapos ding magka-COVID-19 ang lead singer nilang si Miguel Benjamin.

“Hello bestie! Ikinalulungkot naming sabihing di kami matutuloy sa show natin sa Surigao this June 26.

“Positive si Migs sa COVID-19. Don’t worry, okay naman kami, pero para sa safety nating lahat, naka-isolate lang muna siya. Pasensya na ulit at ingat pa rin tayo nowadays! Takits!” mensahe ng grupo sa Twitter.