HATAW! D'yaryo ng Bayan hatawtabloid.com
PATAY ang isang preso (person deprived of liberty o PDL) makaraang mabaril habang pito ang sugatan sa sumiklab ang riot sa Quezon City Jail Male Dormitory nitong Biyernes ng hapon.
Sa inisyal na imbestigasyon ni P/EMSgt. Jimmy Sanyuran ng Quezon City Police District – Kamuning Police Station 10 (QCPD – PS10), pasado 3:00 pm, kanina, Biyernes, 13 Mayo, nang magsimula ang gulo sa piitan na matatagpuan sa Bernardo Compound, Brgy. Kamuning sa lungsod.
Nagsimula ang riot sa pagitan ng grupong Batang City Jail at Commando na hindi pa batid kung ano ang dahilan.
Ang presong namatay ay may tama ng bala sa katawan mula sa sumpak.
Patuloy na inaalam ng pulisya ang pagkakakilanlan ng namatay at ng mga sugatan sa naturang riot.
(ALMAR DANGUILAN)
