Alodia may ipinalit na kay Wil Dasovich

MATABIL
ni John Fontanilla

MUKHANG nakahanap na ng bagong pag-ibig ang celebrity cosplayer at social media influencer na si Alodia Gosiengfiao sa katauhan ng kanyang rumored boyfriend na si  Christopher Quimbo na isang businessman na kasama nito lately sa Palawan.

Masayang Alodia nga ang nakita ng kanyang mga supporter sa litrato nitong ipinost sa kanyang Facebook account kasama si Christopher.

Pinusuan ng netizens ang litrato ng dalawa na mukhang botong-boto sa binata para kay Alodia.

Ang sikat na Vlogger na si Wil Dasovich ang dating boyfriend ni Alodia, pero ang matamis na pagmamahalan ng mga ito na tumagal ng maraming taon ay nauwi rin sa hiwalayan.