Bela ikinompara kay Coco — malayo pa ang tatahakin ko para maka-level ko siya

SHOWBIZ KONEK
ni Maricris Valdez Nicasio

SA wakas, naisakatuparan na ni Bela Padilla ang matagal nang pangarap, ang makapagdirehe. Ito ay sa pamamagitan ng 366 na ipinrodyus ng Viva Films

 at mapapanood sa Vivamax sa April na pinagbibidahan din nina Zanjoe Marudo at JC Santos.

Si Bela ang nagsulat at nagdirehe ng 366 kaya naikompara siya kay Coco Martin na actor/scriptwriter at director sa FPJ’s Ang Probinsyano.

“That is very sweet maraming salamat. Coco is a very, very talented person bukod sa pagiging actor/director kahit noong umpisa pa lang ng ‘Ang Probinsyano’ noong nandoon pa ako na siya rin ang nagko-conceptualize ng maraming plot nito. So, he’s really a creative force, I guess in his generaton, in his world, so, I’m very happy for him and very proud of him,” nangingiting sambit ni Bela sa isinagawang digital media conference na nasa London pa rin sa kasalukuyan.

“I think malayo pa ‘yung kailangan kong tahakin para masabing ka-level ko si Coco kasi Coco ‘yun, eh,” anito nang maikompara siya sa aktor.

“Pag umabot na po ako sa suweldo ni Coco, masasabi ko na talaga na ka-level ko na siya.

“But seriously, I’m happy to be compared to Coco because I have great respect to him as ‘yun nga sa creative force but we do different projects. Hindi ko kayang magdirehe ng action, I cannot come up with action scenes.

“And I guess in the same way na baka there are things na I can do na hindi naman kayang gawin ni Coco, so we’re very different.”

Kasama rin sa 366 sina Alma Moreno, Josef Elizalde, at Kat Galang at may cameo role ang boyfriend niyang si Norman Bay bilang stand in ni JC na hindi nakarating sa Istanbul, Turkey dahil hindi naayos kaagad ang travel document.