Tulak na ‘Kano’ timbog sa Zambales

DINAKIP ng Philippine National Police – Drug Enforcement Group (PNP-DEG) ang isang American national na hinihinalang tulak ng ilegal na droga sa lalawigan ng Zambales, nitong Miyerkoles, 19 Enero.

            Sa ulat, kinilala ni PDEG Director P/BGen. Remus Medina, ang suspek na si John Louis, 42 anyos, naaresto sa ikinasang buy bust operation.

Narekober mula sa suspek ang tinatayang 50 gramo ng hinihinalang shabu na nagkakahalaga ng P340,000 at boodle money na ginamit sa operasyon.

Kasalukuyang nasa kustodiya ng special operations unit ng PRO3 PNP ang suspek para sa dokumentasyon. (MICKA BAUTISTA)