HATAW! D'yaryo ng Bayan hatawtabloid.com
ALAM MO NA!
ni Nonie Nicasio
NGAYONG Sabado ay tampok sina Andrea del Rosario at Jay Manalo sa episode ng Wish ko Lang ng GMA-7 na pinamagatang Kumpare.
Huwag palampasin ang natatanging pagganap nina Andrea, Jay, Lucho Ayala at Pepita Curtis sa Wish Ko Lang: Kumpare, ngayong Sabado, 4 PM sa GMA-7.
Mula nang mamatay ang unica hija nina Rowena (Andrea) at Greco (Jay), nakaranas sila ng matinding lungkot. Umabot pa sa puntong nagalit si Greco sa Diyos.
Halos masiraan na ng bait si Greco, kaya naisipan niyang sundin ang payo na bumili ng manika at alagaan ito na parang anak. Imbes na makabuti ay pinalala lang nito ang sitwasyon dahil tila totoong sanggol na ang trato niya sa manika.
Umabot pa sa puntong palayasin niya ang kanilang kasambahay (Pepita) nang makita niyang tinatahi nito ang manika.
Desperada na si Rowena kaya naisipan niyang lumapit sa kumpare nilang si Niño (Lucho). Ano kaya ang hihilingin niya sa kaibigan? Makatulong naman kaya si Niño?
Inusisa namin si Ms. Andrea kung ano ang role niya rito?
Tugon ng dating Viva Hot Babe, “My role is Rowena, married to Jay Manalo as Greco, nabaliw siya nang namatayan kami ng anak… And dahil sa kalungkutan at desperation kaya hinayaan ni Rowena na magka-anak sa kaibigan nyang si Niño (Lucho).”
Kamustang ka-work sina Jay at iba pang nasa casts?
“Jay is an amazing actor, same with Lucho. Nakaka-inspire mag-work, if you are with actors with the same passion sa acting,” nakangiting esplika pa ni Ms. Andrea.
