2 tulak, huli sa buy-bust sa Valenzuela

SHOOT sa kulungan ang dalawang hinihinalang sangkot sa ilegal na droga matapos madakip sa isinagawang buy bust operation ng pulisya sa Valenzuela City, kahapon ng madaling araw.

Kinilala ni Valenzuela Police Station Drug Enforcement Unit (SDEU) chief, P/Lt. Joel Madregalejo ang naares­tong mga suspek na sina Randy Gipit, alyas Kikoy, 33 anyos, at Raulito Manasis, alyas Boss, 38 anyos, kapwa residente sa Brgy. Gen T. De Leon.

Batay sa ulat ni SDEU investigator P/Cpl. Christopher Quiao kay Valenzuela police chief, Col. Ramchrisen Haveria, Jr., dakong 2:40 am nang magsagawa ang mga operatiba ng SDEU sa pangunguna ni P/Lt. Madregalejo ng buy bust operation sa Karen Ave., Brgy. Gen T. De Leon.

Isang undercover police ang nagawang makapag­transaksiyon sa mga suspek ng P300 halaga ng shabu.

Matapos tanggapin ng mga suspek ang marked money mula sa police poseur buyer ay agad silang sinunggaban ng mga operatiba.

Nakuha sa mga suspek ang tinatayang limang gramo ng hinihinalang shabu, may standard drug price na P34,000, marked money, P200 cash, cellphone at Toyota Vios.

Nahaharap ang mga suspek sa kasong paglabag sa RA 9165 o Comprehensive Dangerous Drug Act of 2002.

(ROMMEL SALES)