Direk Jun Miguel kinabog ang ilang mainstream direktor

KITANG-KITA KO!
ni Danny Vibas

KINABOG ng baguhan at promising TV Director at dating That’s Entertainment member na si Jun Miguel ang ibang mainstream director kung pagbabasehan ang dami ng awards na natanggap niya ngayong taon.

Kamakailan, tumanggap muli ito ng parangal mula sa Gawad Talento Parangal 2021 ng Zebel Entertainment Inc. headed by Direk Antonio “Dir.Tony” Coral (CEO/President Zebel) Entertainment Inc.) and Direk Ferdie Nadera bilang Versatile TV Director And Multimedia Personality Of The Year.

Ilan sa kasabay nitong tumanggap ng award sina JM De Guzman, Marcelito Pomoy, Marlann Ponciano Flores, Shane Quintana Tormes,  Arkin Brunio atbp.

Pinarangalan din si Direk Jun sa 2021 Asia Pacific Luminare Award bilang World Class TV Producer and Director of the Year; Most Outstanding Promising Director sa 13th PMPC Star Awards For Music; Best Children Show, Best Children Show Hosts sa 2020-2021 Philippine Faces Of Success; Best TV Director sa Gintong Parangal 2021; Multi-Faceted Young Filipino Showbiz Personality of the Year sa Dangal Ng Lahi Awards 2021 at marami pang iba.

At kahit nga nasa gitna tayo ng pandemya dulot ng Covid 19, nagpapasalamat pa rin si Direk Jun sa Poong Maykapal dahil sa dami ng blessings at karangalan na kanyang natanggap ngayong taon.