Saturday , July 26 2025

Oposisyon vs Duterte lumalakas (Dahil sa Senate ‘plundemic’ probe)

101121 Hataw Frontpage

ni ROSE NOVENARIO

NIYAYANIG ng lumalakas na puwersa ng opisyon sa Davao City ang mga Duterte kaya hindi makapag­desisyon ang pamilya kung sasabak si Mayor Sara Duterte-Carpio sa 2022 presidential race o tatapusin ang termino bilang alkalde ng lungsod.

Ayon kay Earl Parreño, isang political analyst at awtor ng Beyond Will and Power, biography ni Pangulong Rodrigo “Digong” Duter­te, nakaapekto nang husto sa kredibilidad ng mga Duterte sa Davao City ang imbestigasyon ng Senate Blue Ribbon Committee ‘plundemic’ probe.

Dagdag niya, hindi kursunada ng mga Davaoeño ang pagtugon ni Sara sa pandemya sa siyudad at ang leadership style na mahirap lapitan, taliwas sa ama na mada­ling kausapin ng mga ordinaryong residen­te.

“One, ang pag-handle ni Sara roon sa issue ng pandemic, pangalawa, apektado sila sa investigation, napa­pabalitang corruption sa loob ng gobyerno at mas heartbreaking ito kasi hindi lang ito ordinaryong pera, pera ito sana para maresolba ang pandemic. Lastly, iba ang leadership style ni Sara i-compare mo sa tatay niya,” ani Parreño sa panayam sa The Chiefs sa OneNewsPh.

Indikasyon aniya ito kung gaano kagulo at hindi magkasundo ang pamilya Duterte kung paano mananatili sa antas national habang dedepensahan ang Davao City bilang balwarte ng pamilya.

Aniya, ang gusto ni Sara ay tumakbo sa pagka-alkalde si Digong kung lalahok siya sa presidential race dahil malakas ang oposisyon sa Davao City na pinangu­ngunahan ni dating mayor Ben de Guzman.

May ‘tulog’ aniya ang mga Duterte kung si Vice Mayor Sebastian “Baste” Duterte at Rep. Paolo “Pulong” Duterte lamang ang sasabak sa halalan.

“Gusto ni Sara, kung tatakbo siyang presidente, si Digong, tatay niya, ay dapat tumakbong mayor. Kung si Pulong lang o si Baste, may tulog sila ‘ika nga. Malakas ang opposition ngayon against Duterte family sa Davao. Lahat ay parang may kalaban. May kalaban si Pulong na malakas, may kalaban si Sara for mayor na malakas that’s Ben De Guzman at even the vice mayor. So paano kung matatalo sila at ganoon sila mawi-weaken sa Davao and yet hindi sila siguradong mananalo sa presidential election, so ‘yun ang mahirap na kinakaharap ng pamilya,” paliwanag ni Parreño.

May impormasyon umano siya na nakahanda na ang special power of attorney (SPA) ni Digong para ihain ang kanyang certificate of candidacy (COC) bilang mayoralty bet sakaling magpasya si Sara na maging presidential candidate.

“May SPA na raw si Digong para i-file ang COC niya for mayor. Of course senaryo, puwede namang mag-withdraw si Sara at mag-substitute kay Bato, for example.”

Krystall Herbal Products and FGO Branches

About Rose Novenario

Check Also

SSS

SSS maglalabas ng binagong Calamity Loan Program (CLP) guidelines; pagbaba ng interest rate sa 7%, pinapayagan ang renewal pagkatapos ng anim na buwan, pinasimple ang proseso ng pag-activate para sa napapanahong tulong pinansiyal

INIANUNSIYO ng Social Security System (SSS) na maglalabas sila ng revised Calamity Loan Program (CLP) …

Bulacan PDRRMO NDRRMC

Bulacan, pinaigting disaster response sa mga binahang munisipalidad

HABANG patuloy na nararanasan ang epekto ng habagat na pinalakas ng mga bagyong Crising, Dante, …

NDRRMC

25 katao patay sa 3 bagyo at Habagat

PATAY ang 25 katao sa magkakasunod na pagtama ng mga bagyong Crising, Dante, at Emong …

Sara Duterte Bam Aquino

Bam Aquino nanindigan impeachment trial vs VP Sara dapat ituloy
Humingi ng caucus sa mga kapwa Senador

NANINDIGAN si Senador Bam Aquino na dapat ituloy ang impeachment trial ni Vice President Sara …

Scoot Flight TR 369 Plane

Torre vs Baste boxing match sinibatan

HABANG excited sa paghahanda si Philippine National Police (PNP) Chief, General Nicolas Torre, mukhang ‘drawing’ …