Kapalaran ni Kisses sa Miss Universe PH huhusgahan na

I-FLEX
ni Jun Nardo

MALALAMAN na ang kapalaran ni Kisses Delavin sa nalalapit na coronation ng Miss Universe Philippines.

Lumalabas na lyamado si Kisses sa mga exposure na lumalabas sa social media sa mga kandidata.

Sa September 30 ang actual coronation night ng Miss Universe PH na gagawin sa Hennan Resort Convention Center sa Panglao, Bohol. Mapapanood ito sa October 3, 9:00 a.m. sa GMA Network.

Isa sa magiging mahigpit na kalaban ni Kisses ay ang modelong si Maureen Wroblewitz na girlfriend ng isang kilalang singer.