Michael V patok ang pag-aala-Mike Enriquez

Rated R
ni Rommel Gonzales

TULOY pa rin ang pagdami ng mga gustong ma-experience ang ‘What it’s like to be a broadcaster’ dahil maging ang Kapuso stars ay sumali na rin sa #24OrasChallenge na trending ngayon sa Tiktok!

Ilan na rito sina Carla Abellana, Thea Tolentino, Elijah Alejo, Faith Da Silva, Luke Conde, Ashley Ortega, Jennifer Maravilla, Ashley Rivera, at Crystal Paras. 

Maging ang Biyahe Ni Drew host na si Drew Arellano, game maki-chika minute with his wife and Chika Minute anchor na si Iya Villania–Arellano.

Marami naman ang natuwa sa Pepito Manaloto star and comedian na si Michael V. na nag-ala Mike Enriquez sa kanyang reporting. 

At siyempre, ang GMA news reporters, game na rin! Kasama na rito sina Oscar Oida, Mariz Umali, at award-winning broadcast journalist na si Jessica Soho. Ang video ni Jessica, naka-1 million views na!

Kaya ano pa ang hinihintay ninyo, maki-#24OrasChallenge na!