HATAW! D'yaryo ng Bayan hatawtabloid.com
MA at PA
ni Rommel Placente
AYON kay Xian Lim pagdating sa kani-kanilang career ng girlfriend na si Kim Chiu ay hindi sila nagpapakialaman. Kaya noong tanggapin niya ang unang serye na gagawin sa GMA 7 na Love, Die, Repeat ay hindi niya ito ipinaalam kay Kim.
Sabi ni Xian, ”Hindi ako nagpaalam because I know suportado namin ang isa’t isa, anomang desisyon ang gawin namin. Even noong nagsisimula pa lang po kami, hindi po kami ganoong type ng relationship po namin, hindi po ganoon.”
Pero kahit magkakahiwalay na sila ng network, tiniyak ni Xian na nandiyan pa rin ang KimXi loveteam.
Natutuwa naman si Xian na makakatrabaho niya si Jennylyn Mercado.
“I’m looking forward dahil I’m a fan of Jen.
“’Yung mga pelikula na ginagawa niya before, it’s very surreal na nakatutuwa na nabigyan ako ng pagkakataon to work with her, to work with the network, and to be here sa position ko ngayon.”
