HATAW! D'yaryo ng Bayan hatawtabloid.com
IKINANDADO ng Makati city government ang dalawang high-end bars dahil sa paglabag sa general community quarantine (GCQ) protocols.
Ipinasara ang ang Movida Fashion Food + Club at ang Royal Club, sa General Luna St., at Burgos St., sa Barangay Poblacion, Makati City, makaraang ipag-utos ni Makati City Mayor Abby Binay, dahil sa patuloy na paglabag sa health protocols.
Layunin nitong madisiplina ang mga lumalabag at mabigyan ng proteksiyon ang interes ng mga lehitimong negosyo, at ang publiko.
Nitong Biyernes, sinalakay ang dalawang resto bars ng Poblacion Police Community Precinct (PCP) nang humingi ng assistance ang Makati Public Safety Department dahil sa nasaksihang walang social distancing ang mga kustomer.
Nasa 70 ang sinitang kustomer na pawang tinikitan para sa multang P1,000 sa paglabag sa ordinansa ng lungsod.
(JAJA GARCIA)
