Thursday , May 8 2025
Sipat Mat Vicencio

Kailangan tumakbo ni Sara sa 2022

POLITICAL survival at proteksiyon sa kanilang pamilya kung bakit obligadong tumakbo si Davao City Mayor Sara “Inday” Duterte-Carpio bilang pangulo ng bansa sa darating na May 9, 2022 national elections.

Hindi kailangan kombinsihin ng mga kaalyado sa politika si Sara para tumakbo sa eleksiyon dahil alam niya kung ano ang mangyayari sa kanila, lalo na sa kayang amang si Pangulong Rodrigo “Digong” Duterte, kung ibang kandidato ang magiging pangulo.

At tulad ng taktika ni Digong, magiging urong-sulong ang postura ni Sara hanggang sa kalaunan ay kanyang pagbibigyan ang patuloy at paulit-ulit na panghihikayat ng kanyang mga kaalyado na tumakbo sa pambansang halalan.

Hindi pababayaan ni Sara na makasuhan o makulong ang kanyang amang si Digong, kung matapos man ang termino nito bilang pangulo, kaya’t pipilitin niyang manalo ang kanyang kandidatura bilang pangulo.

Alam ni Sara na naghihintay lamang ang kanilang political enemies na matapos ang termino ni Digong sa 2022 at kung meron bagong halal na pangulo, asahang magiging patong-patong ang ikakaso laban sa kanyang ama.

Hindi nakatitiyak si Sara na sakaling manalo bilang pangulo si dating Senador Bongbong Marcos o maging si Senator Many Pacquiao, ay madaling makaliligtas sa mga kasong isasampa ng kanilang mga kalaban si Digong.

Si Bongbong o si Pacquiao man ang maging pangulo, ang mga politiko, partido at mayaya­mang negosyante na palihim na tumulong sa kanilang kandidatura ay kinakailangang timba­ngin ang kanilang mga galaw bago lubusang tulungan si Digong.

At kung tuluyang magbabago ang political situation sa 2022, asahang kaliwa’t kanang panggigipit ang gagawin ng mga kalaban sa politika ni Digong, at tiyak kasama sa panggigipit na ito ang kanilang pamilya at kaalyado na nakinabang sa administrasyon.

Higit na mabigat ang magiging sitwasyon kung kalaban ang mismong mananalo sa pampanguluhang eleksiyon sa 2022 tulad ni Sen. Grace Poe at Vice President Leni Robredo dahil tiyak na kulong kaagad ang aabutin ni Digong.

Kaya nga, kailangang tumakbo ni Sara sa 2022.  Hindi siya dapat magpabaya para sa kanilang sariling survival at hindi sila mapahamak sa gagawing resbak ng kanilang mga kalaban sa politika.

At ngayon pa lang, alam na rin ni Sara kung sino ang mga nagbabalak na bumalimbing na kanilang mga kaalyado na patuloy na nakikinabang at nagpapayaman sa administra­syon ng kanyang amang si Digong.

SIPAT
ni Mat Vicencio

About Mat Vicencio

Check Also

Firing Line Robert Roque

Ano na ngayon ang tingin ng mga botante kay Pulong?

FIRING LINEni Robert B. Roque, Jr. SINABI ni Congressman Pulong Duterte na ipapa-“authenticate” niya sa …

Sipat Mat Vicencio

FPJ Panday Bayanihan Partylist para sa mapayapang halalan

SIPATni Mat Vicencio ILANG araw na lang at tuluyan nang magdedesisyon ang taongbayan kung sino …

Dragon Lady Amor Virata

Fake news requirement na National ID para sa pagboto, ayon sa Comelec

Isumbong mokay DRAGON LADYni Amor Virata SABI ng Commission on Elections (COMELEC), ‘wag maniniwala sa …

Aksyon Agad Almar Danguilan

Bakit pipi ang PDP sa isyu ng West Philippine Sea?

AKSYON AGADni Almar Danguilan BUKOD sa trabaho, food security, at kalusugan, isang pangunahing election issue …

Sipat Mat Vicencio

Nelson Ty kay Isko: Yes, let’s make Manila great again!
“TAGUMPAY NI ISKO, PANALO NG MAYNILA!”

SIPATni Mat Vicencio ITO ang pahayag ni dating Barangay Chairman Nelson Ty, tumatakbong konsehal ng …

Leave a Reply

Your email address will not be published. Required fields are marked *