HATAW! D'yaryo ng Bayan hatawtabloid.com
TRENDING ang grand finals ng The Clash Season 3 nitong Linggo (December 20) na itinanghal ang Power Cebuana Diva na si Jessica Villarubin bilang ikatlong Grand Champion.
Tagumpay na nasungkit ng 24-year-old singer ang titulo matapos ang kanyang nakabibilib na pagkanta ng Habang May Buhay laban sa Belter Babe ng Makati na si Jennie Gabriel.
Samantala, imbitado ang lahat sa isang engrandeng pagtitipon sa araw ng Pasko tampok ang mga minahal ninyong himig at tinig sa The Clash Christmas Special: Pasko Para sa Lahat.
Matapos ang mga hindi inaasahang pagsubok na dulot ng taong 2020, kikislap ang pag-asa ngayong Kapaskuhan sa handog na Christmas special ng The Clash.
Makisaya kasama ang The Clash Masters na sina Julie Anne San Jose at Rayver Cruz, Journey Hosts na sina Rita Daniela at Ken Chan, pati na rin ang Clash Panel na sina Pops Fernandez, Christian Bautista, at Aiai delas Alas sa isang gabing puno ng kantahan at nakaaaliw na performances.
Hindi rin dapat palampasin ang pasabog na performance mula sa grand champions na sina Golden Canedo, Jeremiah Tiangco, at Jessica Villarubin.
Bukod pa riyan, may inihanda ring performances sina Season 1 finalists Garrett Bolden, Anthony Rosaldo, XOXO, Season 2 finalist Nef Medina at ilang pang finalists mula sa kakatapos lang na ikatlong season.
Abangan ang The Clash Christmas Special: Pasko Para Sa Lahat ngayong December 25 pagkatapos ng 24 Oras!
Rated R
ni Rommel Gonzales
