CL top cop nagbaba ng ultimatum vs illegal gambling (Nagbabal sa “No Take Policy”)

SA IKA-SIYAM na pagkakataon, inulit ni PRO3 PNP Director P/BGen. Valeriano “Val” de Leon ang kanyang babala sa nasasakupan na huwag suwayin ang “No Take Policy” kontra ilegal na sugal sa rehiyon at tiyak gagamitin niya ang kamaong bakal kung kinakailangan para patawan ng parusa ang mga lumabag.

“Under my watch, I will not tolerate any of my personnel involving in any form of illegal activity. Lalo na sila’y tumanggap ng suhol at makinabang sa ilegal na sugal, o kaya ay gamitin ang pangalan ko sa kanilang mga ilegal na aktibidad, kaagad silang aarestohin,” pahayag ni P/BGen. De Leon.

Dadag niya, pinakilos na ang kanyang mga provincial at city director sa malawakang operasyon laban sa ilegal na sugal at lahat ng uri ng mga gawaing ilegal sa kanilang kinasasakupang lugar upang masugpo ang kriminalidad at mamantina ang kaayusan at kapayapaan ng mamamayan kasabay ng kanilang responde sa CoVid-19. (RAUL SUSCANO)