HATAW! D'yaryo ng Bayan hatawtabloid.com
HALOS mabali ang leeg ng isang high value target na pusher sa pagpapaliwanag at iginigiit na tawagan ang kaniyang among pulis nang maaresto kasama ang kapwa mga tulak sa ikinasang buy bust operation ng anti-narcotics operatives ng Pampanga drug enforcement unit noong Sabado ng gabi, 3 Oktubre, sa San Antonio, bayan ng Guagua, lalawigan ng Pampanga.
Ayon kay P/Col. Andres Simbajon, Jr., officer-in-charge ng Pampanga PNP, nagpakilalang confidential agent ng Guagua municipal police ang suspek na kinilalang si Eric Asuncion, 39 anyos, na itinuturing na high value target.
Nadakip kasama ni Asuncion ang dalawa pa na kinilalang sina Jojo Soriano, 29 anyos, at Allan Ocampo, 40 anyos, kapwa residente sa nasabing bayan.
Umabot sa 71 gramo ng shabu na nagkahalaga ng P500,000 ang nakpmpiska ng mga operatiba sa mga suspek na ihaharap sa inquest proceedings sa paglabag sa RA 9165 o Dangerous Drugs Act of 2002. (RAUL SUSCANO)
