Kapag inalis ang ECQ… Mass testing kailangan

NAIS ni Senate President Vicente Sotto III na magkaroon ng agarang mass testing sa bansa kapag tinanggal na ang enhanced community quarantine (ECQ) nang sa ganoon ay agarang matukoy ang positibo sa coronavirus (COVID-19).

Tinukoy ni Sotto, sa pagbalik nila sa sesyon noong 4 Mayo at sa iilang pumasok na kawani ng senado ay nagpositibo ang 20.

Ayon kay Sotto, ang kanilang mga kawani ay nagpositibo sa kabila na sumunod sa protocols at halos dalawang buwan na nakakulong sa bahay.

Aminado si Sotto, kailangang unti-unting bumangon mula sa pandemia lalo ang negosyo. (NIÑO ACLAN)