Bansag na Asia’s Box Office King kay Alden, OA

MAY KA-OA-N ang bagong bansag kay Alden Richards na tila nabura na ang taguring Pambansang Bae na ikinapit sa kanya noon.

Kung tawagin kasi ngayon ang Kapuso actor ay Asia’s Box Office King, ayon nga sa kanyang mga publicist.

Ito’y makaraang kumita nang mahigit P800-M ang pelikula nila ni Kathryn Bernardo,  sinasabing the highest grossing film of all time. Bale pumapangalawa lang ang The Hows of Us nina Kathryn at Daniel Padilla na idinirehe ng iisang director.

Wala namang pag-aalinlangang box office ang Hello, Love Goodbye. And pethaps, it’s but fair to say na Box Office King si Alden.

Pero huwag naman sanang sinakop na ng bansag ang buong Asya gayong hindi natin tiyak na baka may may mga Asian actor na mas kinakabog si Alden.

And we’re just talking about a single film, na hindi pa ipinrodyus ng film arm ng home studio ni Alden. Produced ito ng Star Cinema at taga-ABS-CBN ang leading lady niya.

Maaari pa sa taunang Guillermo Awards tanghalin si Alden bilang Box Office King, but please, ang Pilipinas ay isa lang sa maraming bansa sa Asya.

Kung aktibo man ang ‘Pinas sa paggawa ng mga pelikula, gayundin ang India na may Bollywood. Boom din ang film industry sa Thailand atbp..

Baka kuwestiyonin kami, eh, bakit si Regine Velasquez binansagang Asia’s Songbird? Excuse me, Regine didn’t earn the title overnight.

Hindi katulad ni Alden na nakaisang hit movie lang, na isang malaking tandang pananong pa kung mauulit sa susunod niyang project.

HOT, AW!
ni Ronnie Carrasco III