HATAW! D'yaryo ng Bayan hatawtabloid.com
HINDI nasulat sa pahayagan pero kumalat namang usapan na nagkaroon din ng hindi pagkakaunawaan sina Joseph Marco at Albie Casino sa set ng Los Bastardos dahil sa microwave na pag-aari ng una.
Ang kuwento kasi ay nagpainit si Albie ng pagkain gamit ang paper plate na hindi niya alam na bawal pala lalo’t may aluminum sa ibabaw na dahilan kaya nagkaroon ng short ciruit.
At nang malaman ni Joseph ay nagsisigaw at galit kay Albie at humantong pa sa pagsasabing, ‘ganyan ba ang ugali ng taga-La Salle?’ bagay na ikinairita rin ng huli dahil bakit idinamay pa ang eskuwelahang wala namang kinalaman sa isyu.
Nabigla rin naman si Marco sa pagkakasabi niya dahil nga galit siya kay Albie pero m kalaunan ay okay na sila.
FACT SHEET
ni Reggee Bonoan
