Monday , July 28 2025
PBA Quarterfnals Blackwater Magnolia Ginebra NLEX
PBA Quarterfnals Blackwater Magnolia Ginebra NLEX

PBA Govs’ Cup QF, sisiklab na ngayon

APAT na koponan ang unang sasalang ngayon sa pagsisimula ng umaatikabong 2018 PBA Governors’ Cup quarterfinals sa Smart Araneta Coliseum.

Uumpisahan ng numero unong Barangay Ginebra ang hangad nitong ikatlong sunod na kampeonato kontra sa ikawalong NLEX sa 7:00 ng gabi habang sasagupa naman ang ikaapat na Magnolia kontra sa ikalimang Blackwater sa unang laro sa 4:30 ng hapon.

Dahil nasa top four, tutungo sa duwelo ang Gin Kings at Hotshots na may twice-to-beat na bentaha kaya’t isang panalo lamang ang kailangan upang makaabante sa best-of-five semi-finals ng season-ending conference.

Parehong advantage din ang hawak ng segundang Phoenix kontra sa ikapitong Meralco gayondin ang ikatlong Alaska kontra sa ikaanim na San Miguel sa sagupaan nilang magsisimula sa Miyerkoles.

Bilang kampeon ng Governors’ Cup sa nakalipas na dalawang taon, siguradong asinta ng lahat ang Gin Kings.

Aminado si head coach Tim Cone dito lalo’t sila pa ang naging top seed ng eliminasyon hawak ang 9-2 kartada.

Ayon kay Cone, hindi magiging madali ang kanilang daan tungo sa matagumpay na pagdepensa ng titulo.

“The real hard work starts now. We know there’s no easy way to get through the playoffs. It’s always a tough route no matter who you’re playing,” ani Cone na naghahanda rin sa inaasahang klasikong duwelo nila ni head coach Yeng Guiao.

Gigiyahan ni Justin Brownlee ang misyon ng Gin Kings kasama sina LA Tenorio, Japeth Aguilar, Scottie Thompson at Jeff Chan.

Inaasahan din na magiging malaking tulong sina Art Dela Cruz, Sol Mercado at Greg Slaughter na unti-unting nang bumabalik sa todong kondisyon mula sa kanilang injuries sa buong conference.

Samantala, hindi yuyukod nang ganoon na lang ang Road Warriors lalo’t hangarin nila ang makapuwersa ng do-or-die match upang mapanatiling buhay ang semis bid.

Mangunguna para sa NLEX sina import Aaron Fuller, Larry Fonacier, Mac Tallo, Alex Mallari, Cyrus Baguio at JR Quinahan.

ni John Bryan Ulanday

Krystall Herbal Products and FGO Branches

About John Bryan Ulanday

Check Also

AFAD

Association of Firearms and Ammunition Dealers of the Philippines, Inc.
AFAD kaagapay ang gobyerno sa responsableng pagmamay-ari ng baril, Suporta sa Philippine shooting team

ASAHAN ang mas masigla at progresibong industriya ng baril sa hinaharap dahil  sa suporta ng …

Karl Eldrew Yulo Cynthia Carrion

Karl Eldrew Yulo, Positibong Tatapatan ang Presyon sa World Juniors sa Maynila

BAGAMAT aminado sa presyon ng pagiging host country, nananatiling positibo si Karl Eldrew Yulo na …

LRTA FIVB Mens World Championship

LRTA, mas pinalakas ang kampanya para sa FIVB Men’s World Championship

LUBOS na ang pagpapaigting ng kampanya para sa pagho-host ng Pilipinas ng 2025 FIVB Volleyball …

PH Blu Girls WBSC Womens Softball Asia Cup 2025

PH Blu Girls tinambakan SoKor sa China  
7-0 sa WBSC Women’s Softball Asia Cup

NAGPAKITA ng mahusay na laro ang Philippine Blu Girls sa WBSC Women’s Softball Asia Cup …

Eric Singson Tats Suzara ANV PNVF

Candon, PNVF, pinapahalagahan ang ‘volleyball tourism’

DAHIL sa tagumpay ng kasalukuyang 2025 Southeast Asian Volleyball League, hindi na nag-aksaya ng oras …

Leave a Reply

Your email address will not be published. Required fields are marked *