HATAW! D'yaryo ng Bayan hatawtabloid.com
SWAK sa kulungan ang sinabing magsiyotang tulak ng ilegal na droga, kasama ang tatlo pang kalalakihan, kabilang ang isang menor de edad, sa isinagawang buy-bust operation ng mga pulis sa Caloocan City, kamakalawa ng gabi.
Kinilala ng pulisya ang magsiyotang suspek na sina Arnold San Fernando, 28-anyos, at Nancy Bautun, 24, kapwa residente sa Purok 2, Sapa, Brgy. 8 ng naturang lungsod.
Arestado rin ang tatlo pang mga suspek na sina Ericson Ibañez, 45; Enrique Rosalida, 42, at ang 17-anyos binatilyo.
Batay sa imbestigasyon ni PO1 Aian-Jay Gamayon, dakong 11:45 pm nang isagawa ng mga operatiba ng SDEU, sa pangunguna ni C/Insp. Deimos, ang buy-bust operation laban kina San Fernando at Bautun sa labas ng kanilang bahay sa nasabing lugar.
Inaresto ang dalawa, kasama ang kanilang umano’y tatlong mga parokyano.
(ROMMEL SALES)
