HATAW! D'yaryo ng Bayan hatawtabloid.com
BUKOD sa talent sa pagkanta, magpapakitang gilas din si Erika Mae Salas sa kanyang acting ability sa pelikulang Spoken Words. Ayon kay Erika Mae, malaking blessing sa kanya ang pagkakasali sa pelikulang ito ng RLTV Entertainment Productions at Infinite Powertech at mula sa pamamahala nina Direk Ronald Abad at Direk John Ray Garcia.
“I am so blessed and honored po na makasama po sa Spoken Words. Since this is my first movie po, marami po akong natutuhan and sobra po ako nag-enjoy dito,” saad ng versatile na singer/actress.
Dagdag ni Erika Mae, “This movie po, made-describe ko po siya as “pang-pamilya.” Since it’s a family-oriented po and ipinapakita po rito how millenials act nowadays. Marami po silang matututuhan dito and sigurado pong mae-enjoy nila ang movie.
“Ang bida po namin dito ay si Kuya Erwin Buenaventura, siya po si Rence sa movie. Kasama rin sa casts sina Matt San Juan, Mich Rapadas, John Patrick Picar, Patrick Alba, Marco Novenario, at marami pa pong iba.”
Ano ang role niya sa pelikula? “Ang role ko po rito sa movie ay si Aira, siya po ‘yung bestfriend ng kapatid ng bida at may crush sa kanyang kuya. Made-describe ko po si Aira as a kikay girl,” nakangiting saad ng magandang recording artit.
Nabanggit din niya ang aral na mapupulot sa kanilang pelikulang Spoken Words. “Ang aral na mapupulot sa movie ay love your family and your parents knows what’s best for you. Kaya teenagers need to be more open po sa kanilang mga magulang and huwag kinikimkim lamang ang kanilang mga problema.”
Ayon kay Erika Mae, kasali rin siya sa Official Sound Track (OST) ng kanilang pelikula. “Part po pala ng OST album ng movie ang single ko na Ako Nga Ba at ang collab namin ni kuya Patrick Picar na Kupido.”
ALAM MO NA!
ni Nonie Nicasio
