HATAW! D'yaryo ng Bayan hatawtabloid.com
BUMALIKTAD ang isang pampasaherong jeep makaraan itong tumbukin ng isang sports utility vehicle (SUV) sa Commonwealth Avenue, Quezon City, nitong Linggo ng hapon.
Bukod sa jeep na may sakay na pitong pasahero, sinabing una nang nabangga ng SUV ang isang bisikleta sa parking lot ng Diliman Preparatory School, batay sa imbestigasyon ng pulisya.
Agad isinugod sa East Avenue Hospital ang mga nasaktang pasahero ng jeep, gayondin ang sakay ng nabanggang bisikleta.
Giit ng driver ng SUV, mabagal lang ang patakbo niya ng sasakyan, ngunit taliwas dito ang sinabi ng mga nakasaksi.
Iniimbestigahan ng mga awtoridad ang insidente.
