HATAW! D'yaryo ng Bayan hatawtabloid.com
PATAY ang dating tauhan ni self-confessed drug distributor Kerwin Espinosa makaraan umanong manlaban sa mga pulis nang isilbi ang warrant of arrest laban sa kanya sa Ormc City, nitong Sabado ng gabi.
Ayon sa ulat ng pulisya, kinilala ang suspek na si Max Miro.
Sinabi ng mga pulis, napatay si Miro makaraan manlaban nang isilbi sa kanya ang warrant of arrest bandang 10:00 pm sa bahay ng kanyang live-in partner sa Brgy. Bantigue.
Napag-alaman, dati nang sumuko sa pulisya si Miro kasu-nod ng panawagan ni dating Albuera, Leyte mayor Rolando Espinosa.
Napaslang din ang dating alkalde noong Nobyembre 2016.
