HATAW! D'yaryo ng Bayan hatawtabloid.com
UMAKSIYON na si Commissioner Jaime Morente at tuluyang sinibak ang ilang tiwaling bantay sa BI Warden’s Facility sa Bicutan.
Good job, Commissioner Bong!
Bunsod daw ‘yan ng pinatakas ‘este pagtakas ng Korean fugitive na si Shin Jaewon sa kamay ng kanyang escorts na sina JOs Alveen Esguerra at isang Kerwin Gomez.
Usap-usapan sa Bureau na nagbigay ng 100K ang Koreano kaya biglang na-blind spot ang mga escort.
Pakengsyet!!!
Sinasabing naka-eskapo ang pugante matapos samahan ng mga nasabing escort na dumaan sa SM Mall of Asia pagkatapos ng kanyang medical check-up ek-ek!
Talagang nakaplano na raw ang pagtakas ni Shin, matapos umugong ang balita na itinakas ang mga padalang pera ng ilang mga kasamahang Koreano na dapat ay ipadadala sa kanilang mga pamilya.
Ungas pala talaga!
Nanguna sa listahan ng mga sinibak si Bicutan Technical Alalay ‘este Assistant Jaime Butatae ‘este Bustamante kasama ang deputy warden at ilang mga guwardiya na nakatalaga roon!
‘Yan raw kasi ang nagbitbit at nagpapirma ng medical pass kay Commissioner Morente!?
Sonabagan!
Dapat kasi noon pa sinibak ang isang ‘yan!
‘Di ba nga, makailang ulit na natin inilabas ang ilang katarantadohan ng mga nagpapatakbo sa nasabing pasilidad?
Hindi lang iisang beses natin iniulat ang talamak na tarahan na nangyayari riyan gaya ng pagpayag nila sa paggamit ng cellphone sa kulungan.
Dalawang libo raw kada buwan ang ‘tara’ kada cellphone na ipasok sa loob!
Ganoon din ang pagsingil ng P50 mil hanggang P80 mil kada medical pass na mapaaaprubahan.
May bayad din ang ginagawa nilang escorting sa mga preso lalo kung ‘sex pass’ at higit sa lahat ang protection racket na kanilang ibinibigay para payagan ang sugalan ala-casino na nagaganap sa loob ng kulungan?!
Wattafak!?
‘Di ba nga at milyon-milyong piso raw ang pinapayagang maipasok sa nasabing pasilidad para gawing kapital ng isang Koreano na umaaktong ‘bangka’ sa poker na nagaganap diyan?!
Wattafak!
Hindi lang dapat i-relieve ang mga sangkot sa anomalya diyan kundi dapat din imbestigahan at patawan ng preventive suspension habang dinidinig ang kanilang kaso?!
Sa ngayon ay inilipat na umano sa BI main office sina Butasmante ‘este Bustamante at mga kasama niya.
Pero ano itong narinig natin na may nakatakda pa raw travel sa ibang bansa ang nasabing TA para mag-escort uli ng isang fugitive!?
Sus ginoo!
May staycation pa?
Iba ka talaga koya!!!
I doubt kung payag ba si SOJ Aguirre na bigyan ng travel order ang isang ‘yan matapos masabit sa nasabing iregularidad.
Aprub po ba sa inyo ‘yan, Secretary Aguirre?
MAY ‘FUTURE’ PA BA
ANG MGA J.O. AT
CONTRACTUAL SA BI?
MASAKIT na raw ang ulo ng daan-daang job orders employees sa BI ngayong nalalapit na ang paghuhukom ‘este pagtatapos ng kanilang kontrata sa darating na Disyembre.
Hanggang ngayon daw kasi ay wala pang kasiguruhan kung magkakaroon pa sila ng tatanggaping sahod pagkatapos ng Kapaskuhan.
Ang iba naman ay nag-aalala kung mare-renew ang kanilang mga kontrata.
Ang dahilan, wala pa rin linaw kung may allocated budget na para sa susunod na taon ang mga JO o ang mga natitira pang confidential agents sa ahensiya.
Paktay kang bata ka!
Ang mga CA at JOs ay malaking bahagi rin ng work force ng Bureau.
Noon pa man, sila ang karamihan sa gumagawa ng mga trabaho na dapat ay naiaatang sa BI organic employees.
Marami kasi sa mga permanenteng empleyado ay may “prima donna” attitude o ‘di kaya ay may superiority complex kaya ang mga JO ang nagiging tagasalo ng kanilang mga pagkukulang sa trabaho.
Halos lahat ng dibisyon sa BI ay may naka-assign na JO.
Mula OCOM hanggang sa Property Section at GSS ay nag-eempleyo ng JO para tagagawa ng mga trabaho sa kanila.
Maging airports at subports sa buong bansa ay mayroon ding mga JO.
Nasanay na sa ganitong sistema ang ahensiya. Kaya mula pa noong administrasyon ni former BI Commissioner Rufus Rodriguez ay nagha-hire na ng CA para punuan ang kakulangan sa manpower ng kagawaran.
Hanggang ngayon din kasi ay may naririnig tayo na marami sa mga JO ng Bureau ang wala pa ring kontrata pero nagtatrabaho pa rin.
For the love of the Bureau, huh?!
Well-compensated naman kaya sila para sa kanilang efforts?
Napaka-unfair naman kung sila ay nagtatrabaho nang walang tinatanggap na sahod!
Aware kaya ang mga taga-FMD sa nangyayaring ito?
Pero ano rin kaya ang “say” o ang aksiyon nila para paghandaan ang nakaambang suliranin para sa contractual employees?
May allocated budget na ba para sa mga JO sa susunod na taon?
O hintay na lang ng patak ng ulan galing sa itaas?!
Abangan!!!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
