Magnobyong estudyante inaresto sa tanim na marijuana

INARESTO ang mag-nobyong college students makaraan mahulihan ng mga tanim na marijuana sa loob ng kanilang inuupahang kuwarto sa Los Baños, Laguna.

Kinilala ang mga suspek na sina Joshua Gregorio ng Laguna State Polytechnic University, at Dulce Carcosia ng UP Los Baños.

Anim paso ng marijuana ang narekober sa kanilang kuwarto, dalawa rito ay bagong tanim.

Nakuha rin sa mga suspek ang 23 buto ng marijuana, mga pinatuyong dahon, timbangan at glass pipe.

Ayon kay Supt. Arvin Avelino, hepe ng Los Baños Police, higit isang buwan din nilang tiniktikan ang lugar.

Inaalam kung saan kinukuha ng dalawa ang mga marijuana.