HATAW! D'yaryo ng Bayan hatawtabloid.com
INTERESTING ang episode ng Ipaglaban Mo na mapapanood this Saturday, June 17 sa ABS CBN. Tampok sa naturang episode this week sina Trina Legaspi at Albie Casiño.
Sasagutin dito kung makatuwiran bang putulan ng ari o sex organ ang isang lalaking minamahal kapag nagtaksil? Kaya mo bang intindihin at ipaglaban hanggang sa dulo, kahit taksil ang asawa mo?
Sa istorya ay isang menor de edad si Trina na nabuntis ni Albie. Ngunit may kalaguyo itong iba na nahuli ni Trina, kaya ang naging ending, pinutulan ni babae si lalaki ng kanyang kaligayahan sa buhay!
Ano ang inisip ni Trina sa eksenang habang natutulog si Albie ay kumuha siya ng gunting at ginupit niya ang ari nito?
Esplika niya, “Sineryoso po niya ‘yung character talaga, kung saan po nanggaling ‘yung hugot ng character ko rito, na humantong kung bakit po niya pinutulan ang partner niya.
“Sobrang babaero po kasi ng asawa ko rito, kaya umabot na siya sa sukdulan… Maraming beses na rin po kasi niyang nahuli si Vincent (Albie) na nambababae.”
Nabanggit ni Trina (kilala rin bilang Hopia noong child actress pa siya), na-challenge siya sa role niya rito at first time raw niyang gumanap nang ganito.
“Yes, challenging po siya, kaya ibinigay ko ang one hundred percent ko rito. Itinodo ko na po iyong acting ko rito. Plus, first time kong gumanap din po nang ganito, e,” esplika ng Kapamilya aktres.
Bukod kina Trina at Albie, ito ay tinatampukan din nina Meryll Soriano, Richard Quan, Kiray Celis, at marami pang iba, sa direksiyon ni Eduardo Roy Jr..
Huwag kaligtaang panoorin ang #IMputol sa Ipaglaban Mo ngayong Sabado, June 17, 3:00 pm pagkatapos ng It’s Showtime!
ALAM MO NA! – Nonie V. Nicasio
